Á samkomu á Hotel Hafnia týskvøldið 19. august varð Ellert B. Schram, formaður í Íslendska Ítróttasambandinum, heiðraður við Gullmerki Ítróttasambandsins.

Í grundgevingini segði ÍSF-forseti, Heðin Mortensen, m.a.:

“Ellert er føroyavinur og hevur verið við okkara lið og hjálpt føroyskum ítrótti at fingið alheims viðurkenningar av ymsum slagi. Hann hevur eisini altíð stuðla undir mál, sum føroyingar hava reist í norðurlendskum høpi.

Ellert B. Schram hevur eisini verið formaður í íslendska fótbóltssambandinum, og har talaði hann eisini sak føroyinga, tá ið altjóða limaskapur varð veruleiki.

Í hesum sambandi hava røddir verið frammi um at heiðra hann við gullmerki ÍSF, sum eina viðurkenning fyri arbeiðið, hann hevur gjørt føroyskum ítrótti at frama. Ein samd stjórn hevur viðmælt, at Ítróttasamband Føroya sýnir Ellert B. Schram hendan heiðurin.”

Ellert B. Schram var komin til Føroya saman við konuni, Áugustu Jóhannsdóttir, í samband við fótbóltslandsdystin ímóti Íslandi 20. august.