+298 312606 - isf@isf.fo

Børge Barclay Hansen fær Heiðursskjal ÍSF.

Heiðursskjal ÍSF

Á samkomu í ÍSF-húsinum mikukvøldið handaði Heðin Mortensen, order forseti ÍSF, Børge Barclay Hansen Heiðursskjal ÍSF fyri trúfast nevndararbeiði í 25 ár.

Børge Hansen hevur sitið 25 ár í nevnd innan fótbólt, fyrst innan ÍSF, og síðani FSF varð stovnað, í nevndini har. Hetta hevur Ítróttasambandið mett verða so stórt avrik, at hetta mátti heiðrast.

Hesi mongu árini hevur Børge verið virkin partur av tí stóru menningini, ið er farin fram innan føroyskan fótbólt, frá stovningini av FSF í 1979, við komuni av fyrstu graslíkisvøllunum í 1980-unum, limaskapinum í FIFA 1988, sigrinum á Eysturríki í Landskrona 1990, og til tað hækkaða støðið og betraðu umstøðurnar, ið føroyskur fótbóltur virkar undir í dag.

Børge B. Hansen er næstformaður í FSF, og hevur eisini í nógv ár verið formaður í kappingarnevndini, sum er ein tann mest týðandi nevndin hjá Fótbóltssambandinum.

Við Ítróttarkvøðu

ÍSF

Efterlad et svar

Tiltøk

Skrivstovan

Skrivstovan er opin:
mán.-frí kl. 9-15

tel. +298 312606
teldupostur: isf@isf.fo

Høllin

Bílegging av høllini

Send teldupost til isf@isf.fo fyri at bíleggja høllina, og tú fært eina váttan fyri tína bílegging.