Ítróttasamband Føroya vil við hesum takka Pál Joensen og venjara hansara Jón Bjarnason fyri teirra luttøku í OL 2012 í London.
Á 400 m var Pál nær við finalupláss, í 4×200 m átti hann høvuðsábyrgdina av, at Danmark yvirhøvur kom við til OL, og á 1.500 m stríddist hann væl, hóast dagurin ikki var hansara.
Eins og á yndisteini hansara, 1.500 m frí, er langur vegur á mál, og Pál fer nú undir komandi avbjóðingar við sínum OL-royndum í skjáttuni.
Pál Joensen hevur nú víst vegin til Olympisku Leikirnar fyri øðrum føroyskum ítróttarfólkum – frá venjingini í Vági til kappingar og venjingarlegur úti í stóra heimi.
Ítróttasamband Føroya fegnast samstundis um peningin til úrvalsítrótt, sum Løgtingið hevur játtað seinastu árini. Hesin peningurin hevur í stóran mun gjørt fyrireikingarnar hjá Páli møguligar.
Tað er alneyðugt, at hesin stuðul heldur fram, so føroyska tjóðin í framtíðini eisini kann savnast um stórar løtur sum hesar – tá ein føroyingar kappast á fremstu røð, í Heimsmeistaraskapum ella Olympiskum Leikum.
| m | ti | o | to | f | l | s |
|---|---|---|---|---|---|---|
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 Tiltøk tann 31.05.2013
| ||
